EKONOMIKS

Ekonomiksi është shkenca shoqërore që analizon sesi individët, institucionet dhe shoqëria bëjnë zgjedhje optimale në kushtet e pamjaftueshmërisë. Në qendër të ekonomiksit është ideja e kostos oportune: vlera e mallit ose e shërbimit më të mirë në radhë, nga i cili hiqet dorë për të përfituar një tjetër. Analiza ekonomike përfshin tri elemente: pamjaftueshmërinë dhe zgjedhjen, sjelljen racionale dhe analizën margjinale. Ajo supozon që individët dhe institucionet marrin vendime racionale bazuar në krahasimet e kostove margjinale me përfitimet margjinale.